Ætlar hann að setjast á Ingibjörgu?

Er að velta fyrir mér myndinni með þessari frétt. Er Steingrímur að fara að setjast á Ingibjörgu Sólrúnu? Hvert er maðurinn að fara? ... :)

Hittast kl. 14 í dag

Video af ISG við komuna til Keflavíkur

Á meðfylgjandi slóð má sjá í myndbandi yfirlýsingu Ingibjargar Sólrúnar Gísladóttur við komuna til Keflavíkur í dag.

 http://vf.is/Frettir/39326/default.aspx

 

Ingibjörg Sólrún komin heim

Búnaður til pípulagna...

Finnst myndatextinn "Búnaður til hassreykinga" alveg frábær. Finnst þetta frekar vera til pípulagna og þess háttar. Er þetta gírstangar-hnúður hægra megin á myndinni? Þessi búnaður er a.m.k. ekki svona "2007"...

Teknir með hass

Þú mátt leita - en bara ekki svona oft...

Þar sem ég er á kafi í stjórnarstörfum fyrir björgunarsveitina mína í Garðinum þá fékk ég úthlutað því verkefni á félagsfundi í gærkvöldi, mánudagskvöld, að sækja um lén fyrir björgunarsveitina okkar, þannig að við gætum sett um vefsíðu og tölvupósta. Þar sem ágætt sundfélag heitir Ægir og hefur lénið aegir.is og ægir.is, þá vandast málið. Eftir að hafa slegið upp á netinu nokkrum lénum sem koma til greina, þá fór ég inn á síðuna hjá ISNIC, Internet á Íslandi, til að kanna hvort eitthvað af þeim lénum væru á lausu sem mér fannst koma til greina fyrir sveitina okkar.

Er með niðurskrifaðan lista yfir hin ýmsu lén sem ég hafði látið mér detta í hug. Eitthvað af þeim eru greinilega frátekin þó svo engar síður séu á bakvið þau. Hins vegar ákvað ISNIC að skella í lás á mig, ef svo má segja. Aðgangur minn að "Whois:" leitarhlutanum var sem sagt takmarkaður tímabundið. Upp kemur gluggi sem segir:

Aðgangur tímabundið takmarkaður

Aðgangi þínum að uppflettingu í rétthafaskrá ISNIC hefur verið lokað, tímabundið.

Því miður hefur reynst nauðsynlegt að loka tímabundið á aðgang frá tölvu þinni (xxx.xxx.xxx.xxx) vegna óeðlilegs fjölda uppflettinga eða annara óleyfilegra aðgerða frá þessari IP tölu. Reyndu aftur síðar.

Ég veit ekki alveg hvernig ég á að skilja þetta. Ég mátti greinilega fletta upp á vefnum hjá þeim, en bara ekki svona oft! „...vegna óeðlilegs fjölda uppflettinga eða annara óleyfilegra aðgerða". Ég hef örugglega verið að kafsigla ISNIC með því að slá inn nokkur mismunandi „óskalén" og kanna hvort einhver væri skráður eigandi þeirra. Fékk skyndilega þá tilfinningu að ég væri að brjótast inn í tölvukerfið þeirra, við þá einföldu aðgerð að kanna hvort nokkur lén væru á lausu. Veit ekki hvenær tímabundinni lokun á mig verður aflétt. Ég á ennþá eftir að prófa nokkur lén. Kannski að ég sendi þau bara til þeirra í tölvupósti og spyrjist fyrir um þetta í pósti, í stað þess að setja tölvukerfið hjá ISNIC á hvolf svona á nótttunni...

- Vona svo sannarlega að google.com taki ekki svona á móti mér þegar ég þarf að leita á síðunni þeirra næst!

Róa sjómenn í flugstöðinni og landa í Fríhöfninni?

Ég á svolítið erfitt með að skilja upphæðirnar sem sveitarfélögin á Suðurnesjum fengu frá félagsmálaráðherra og greint er frá í fréttinni hér að neðan og má finna á www.vf.is. Tek sem dæmi Sandgerðisbæ. Hann fær rétt um eina milljón króna vegna tekjumissis vegna tímabundins samdráttar í aflamarki þorsks. Þetta eru um það bil hásetalaun tveggja í mánuð. Hvað ætlar svo Sandgerðisbær að gera við öll herlegheitin. Deila þeim niður á fjölskyldur sjómanna í Sandgerði sem ekki mega veiða þorsk? Hef grun um að upphæðin verði tíkarleg! Hitti bæjarstjórann í Sandgerði í gær og óskaði honum til hamingju með milljónina. Hann hafði ekki fengið fréttirnar og varð undrandi. Skil hann vel. Hann segir að svörin sem hann fái séu þau að Sandgerðingar hafi flugstöðina. Ekki róa sjómenn þar, nema þeir eigi að landa í Fríhöfninni. Hvað á annars að gera við milljónina frá "frúnni í féló?" er spurt í Sandgerði í dag.

Fréttin af www.vf.is:

Félagsmálaráðherra hefur ákveðið úthlutun á 250 milljónum króna til að koma til móts við þau sveitarfélög sem verða fyrir tekjumissi vegna tímabundins samdráttar í aflamarki þorsks. Grindavíkurbær fær mest sveitarfélaga á Suðurnesjum í þetta skipti, rúmlega 35 milljónir króna. Samtals koma um 45 milljónir króna til Suðurnesja að þessu sinni. Um er að ræða fyrsta hluta af þremur en ríkisstjórnin hafði ákveðið að veita samtals 750 milljónir til þessa verkefnis á þremur árum og er það hluti af mótvægisaðgerðum vegna niðurskurðar í aflaheimildum á þorski.

Listinn yfir úthlutunina til sveitarfélaga á Suðurnesjum er eftirfarandi:

Reykjanesbær 919.205 krónur
Grindavíkurbær 35.111.250
Sandgerðisbær 1.033.269
Sveitarfélagið Garður 6.512.962
Sveitarfélagið Vogar 1.116.599

Myndina tók vinur minn Reynir Sveinsson og er hana að finna í myndarlegu myndasafni á vef Sandgerðisbæjar.

Myndir frá slysstað

Það er alltaf gott að frétta að ekki hafi orðið alvarleg slys. Hér eru myndir sem voru teknar á slysstaðnum í kvöld.

Nánar hér: http://www.vf.is/frettir/numer/34215/default.aspx

Ljósmyndir: Hilmar Bragi Bárðarson

Bílvelta á Grindavíkurvegi

Hetjurnar okkar!

Þyrlusveit LHG skipa hetjur sem eiga skilið allt það besta.

Það sama má segja um björgunarsveitirnar og þær á að styrkja nú fyrir áramótin með því að kaupa flugelda hjá björgunarsveitunum.

http://vf.blog.is/blog/vf/entry/399816/

Hífður upp úr vök

Hvenær má greina frá þjóðerni og hvenær ekki?

- Þjóðverji um sextugt eða karlmaður á þrítugsaldri...

Það er svolítið gaman að fylgjast með fjölmiðlum þessar síðustu vikur þegar kemur að fréttum er tengjast útlendingum. Þekki málið nokkuð vel þar sem ég starfa á fjölmiðli og finn vel fyrir viðbrögðunum úr samfélaginu þegar nefnt er í fréttum að útlendingar eigi í hlut.

Síðast í gær, fimmtudag, barst ritstjórninni minni bréf frá lesanda sem hafði af því miklar áhyggjur að fréttavefur Víkurfrétta, http://www.vf.is/, hafi greint frá því að aðilinn sem stakk á hjólbarða á fimm lögreglubílum í Keflavík á jólanótt væri rússneskur. Vefurinn var reyndar eini fjölmiðillinn sem greindi frá þjóðerni mannsins sem framdi þennan alvarlega glæp, m.a. gegn öryggi íbúa á Suðurnesjum.

Sömu viðbrögð fengum við þegar vefurinn vf.is greindi frá því að ökumaður bifreiðar, sem ekið var á fjögurra ára dreng í Keflavík fyrir tæpum mánuði síðan, væri pólskur. Er þörf á að greina frá þjóðerni mannsins?, vorum við spurð. Aðrir fjölmiðlar greindu síðan einnig frá því að maðurinn sem lögreglan hafði í haldi væri pólskur og að aðrir einstaklingar, sem handteknir voru í tengslum við rannsókn málsins væru samlandar mannsins.

Það hefur komið fram í öllum helstu fjölmiðlum að aðilar sem grunaðir eru um nauðgun á Selfossi eru útlendingar og tveir þeirra hafa þegar flúið land. Einn þeirra hefur þegar verið nafngreindur.

Á meðan Víkurfréttir á Netinu greina einar frá því að það hafi verið Rússi sem stakk gat á dekk lögreglubílanna í Keflavík, þá sjá allir stóru fjölmiðlarnir í landinu ástæðu til að geta þess að karlmaður sem handtekinn var í Leifsstöð tveimur dögum fyrir jól með 23.000 e-töflur hafi verið Þjóðverji. Meira að segja á sextugsaldri og hafi verið druslulegur til fara. Hvað ræður því að allir fjölmiðlar segja að þetta sé Þjóðverji um sextugt en Rússinn sem stakk á dekk lögreglubílanna var bara karlmaður um þrítugt?

Morgunblaðið greinir í gær, fimmtudag, frá áflogum í heimahúsi í Reykjavík. Í íbúðinni voru tveir karlar og kona af erlendu bergi brotin. Einhver hefur örugglega sent ritstjórn Morgunblaðsins athugasemd og spurt hvort það þjónaði tilgangi að segja að fólkið hafi verið af erlendu bergi brotið.

Það fékk nú oft að fljóta með í löggufréttunum í gamladaga að afbrotamaðurinn væri utanbæjarmaður.

Ég hef fengið að heyra það sem fjölmiðlamaður að fjölmiðlar séu bara að ala á útlendingahatri með því að segja frá því að útlendingar eigi í hlut í afbrotamálum. Ég tel það vera skyldu fjölmiðla að upplýsa almenning og segja satt og rétt frá. Við búum í fjölþjóðlegu samfélagi. Þar eiga allir að geta búið í sátt en samfélagið þarf líka að vita hvernig þar er að þróast dag frá degi.

Fréttir sem eru snauðar af upplýsingum ganga ekki í fólk til lengdar. Viljum við gerilsneyddar fréttir eða kynlaust samfélag? Ég held ekki.

Erlendum afbrotamönnum sleppt gegn tryggingu?

 Ég var að velta fyrir mér hvaða úrræða sé hægt að grípa til með svona menn. Það eiga eftir að líða mánuðir þar til málið hefur farið sína leið í dómskerfinu og þá verður gerandinn, rússneskur karlmaður um þrítugt, fyrir löngu farinn af landi brott og engir möguleikar á að hann taki afleiðingum gerða sinna. Dómstólar þurfa að taka hraðar (ekki harðar) á málum er tengjast útlendingum sem hafa ekki fasta búsetu hér á landi. Við þekkjum öll þau mál sem komið hafa upp á síðustu vikum. Menn stinga af úr landinu þrátt fyrir farbann. Tjónið sem unnið var á lögreglubílunum í Keflavík er metið á hundruð þúsunda. Er kannski þörf á að setja tryggingar í málum sem þessum, þ.e. mönnum er sleppt gegn tryggingu þar til dómur fellur?

Mál skemmdarvargs á borði rannsóknardeildar

Erlendir afbrotamenn greiði tryggingu?

Ég var að velta fyrir mér hvaða úrræða sé hægt að grípa til með svona menn. Það eiga eftir að líða mánuðir þar til málið hefur farið sína leið í dómskerfinu og þá verður gerandinn, rússneskur karlmaður um þrítugt, fyrir löngu farinn af landi brott og engir möguleikar á að hann taki afleiðingum gerða sinna. Dómstólar þurfa að taka hraðar (ekki harðar) á málum er tengjast útlendingum sem hafa ekki fasta búsetu hér á landi. Við þekkjum öll þau mál sem komið hafa upp á síðustu vikum. Menn stinga af úr landinu þrátt fyrir farbann. Tjónið sem unnið var á lögreglubílunum í Keflavík er metið á hundruð þúsunda. Er kannski þörf á að setja tryggingar í málum sem þessum, þ.e. mönnum er sleppt gegn tryggingu þar til dómur fellur?

 

Fréttin er þessi:

Tjónið sem rússneskur karlmaður um þrítugt vann við lögreglustöðina í Keflavík er meira en í fyrstu var talið. Þegar líða tók á gærdaginn kom í ljós að göt höfðu verið stungin á fimmtán hjólbarða á fimm lögrelgubílum. Í fyrstu var talið að götin væru átta, en nokkur þeirra voru minni, þannig að loftið fór hægar úr dekkjunum.

Lögreglan á Suðurnesjum var í gær að útvega bráðabirgðadekk undir bílaflotann sinn, þannig að hægt verði að nota bílana í útköll. Rússanum var sleppt í gær en hann verður yfirheyrður nánar á næstu dögum.

Forsaga málsins er sú að skömmu eftir miðnætti á aðfangadagskvöld stöðvaði lögreglan karlmann fyrir ölvun við akstur. Hann var færður til lögreglustöðvar til skýrslutöku og jafnframt voru tekin úr honum blóðsýni. Síðar um nóttina veittu lögreglumenn því athygli að göt höfðu verið stungin á hjólbarða lögreglubíla sem stóðu utan við lögreglustöðina. Spor voru rakin í nýföllnum snjónum frá lögreglubílunum og að heimili mannsins. Maðurinn hafði ætlað sér að fela slóð sína með því að fara úr skónum síðustu metrana áður en hann kom til síns heima. Þau spor sem maðurinn skildi þannig eftir sig voru ekki síður áberandi en skóförin. Maðurinn var því handtekinn. Hann neitaði við yfirheyrslur að vera valdur að eignatjóninu.

Tjónið sem maðurinn olli hleypur á hundruðum þúsunda króna. Þannig kosta dekkjagangar undir tvo stærstu lögreglubílana um 400 þúsund krónur. Að öllum líkindum verður að skipta um alla hjólbarðana undir öllum lögreglubílunum, því um bifreiðar til neyðaraksturs er að ræða og því engin áhætta tekin með bætur á sprungin dekk.

Erfitt er að geta sér til um það hvað Rússanum gekk til á jólanótt. Eitthvað hefur hann verið bitur í garð lögreglunnar sem gerði það eina rétta að stöðva frekari för ölvaðs ökumanns í umferðinni.

 

Mynd: Lögreglubílar með sprungin dekk framan við lögreglustöðina í Keflavík í gærmorgun. VF-mynd: Hilmar Bragi Bárðarson